اسلا م آباد (۱۹ ِنومبر، ۲۰۱۶ء) __ پاکستان میں تعینات امریکی سفیر ڈیوڈ ہیل اور پاکستان نیشنل کونسل آف آرٹس (پی این سی اے) کے ڈائریکٹر جنرل سید جمال شاہ نے گذشتہ شب پی این سی اے میں پاکستان کے عصری فن پاروں کی ایک نمائش کا افتتاح کیا۔ تصویری نمائش میں ،جس کا موضوع “اوپن فیلڈ” تھا، پورے پاکستان سے ۸۰ سے زیادہ نوجوان مصوروں کے فن پارے پیش کئے گئے۔ نمائش کے لئے امریکی سفارتخانہ نے مالی تعاون کیا تھا۔
سفیرڈیوڈ ہیل نے اس موقع پر اظہارِخیال کرتے ہوئے کہا کہ یہ نمائش پاکستانی فنکاروں کی بھرپورتوانائی اور ان کی پاکستان کے تخلیقی ورثے کومحفوظ کرکے عصرِحاضر کے فنی اظہار کے نت نئے انداز میں پیش کرنے کی عکاسی کرتی ہے۔
نمائش جس کاانعقاد “کچھ خاص” سینٹر فار آرٹس ، کلچر اینڈ ڈائیلاگ نے کیا تھا، پی این سی اے میں دو ماہ تک جاری رہے گی۔
نمائش کےکیوریٹر عاصم اختر نے کہا کہ “اوپن فیلڈ”میں نمائش کے لئے پیش کئے گئے فن پارے ان طریقوں کی نمائندگی کرتے ہیں، جن کے ذریعے فنکاروں نے مکمل طو رپر اپنی فنی دنیا کی روایات میں رہتے ہوئے نئے سوالات اُٹھانے اور نئے طریقوں کی تشکیل کے لئے راہیں ہموار کرنے کا آغاز کیا ہے۔
پاکستانی فنکاروں کی برادری کی بھرپور توانائی کی ایک علامت اس کی اپنے زبردست تخلیقی ورثے کو آج کے دور کے اظہار کے نئے طریقوں کو ایجاد کرتے ہوئے محفوظ بنانے کی صلاحیت ہے۔ امریکی سفارتخانہ پاکستانیوں اور امریکیوں کو ایک دوسرے کی فنی روایتوں سے متعارف کرانے سمیت پاکستان میں فنی پروگراموں کی فنڈنگ کے لئے ہر سال دس کروڑ روپے خرچ کرتا ہے۔ فنون لطیفہ مشغول رکھنے، تعلیم دینے اور ترغیب فراہم کرنے کا ذریعہ ہے۔ پاکستان میں امریکی سفارتخانہ کی سرگرمیوں کے بارے میں مزید جاننے کےلئے درج ذیل لنک ملاحظہ کیجئے۔
۱۹ ِنومبر، ۲۰۱۶ء رابطہ: شعبہ امور عامہ
برا ئے فوری اجراء سفارتخانہ ریاست ہائے متحدہ امریکہ
۹۹/۲۰۱۶ فون:۰۵۱۲۰۱۵۴۲۷
