ڪيٿرين راڊريگيز 4 ڊسمبر 2019ع تي آمريڪي قونصل جنرل لاهور طور ذميواريون سنڀاليون. هوءَ آمريڪي پرڏيهي کاتي جي ميمبر پڻ آهي. تازو هُن آمريڪي پرڏيهي کاتي جَي ڊائريڪٽر جنرل جِي چيف آف اسٽاف ۽ ڊائريڪٽر آف هيومن ريسورسز جون به ذميواريون ادا ڪيون.
قونصل جنرل راڊريگيز واشنگٽن ڊي سي ۾ عالمي ترقي بابت آمريڪي اداري کان فارين سروس ڪيريئر جي شروعات ڪئي، جڏهن ته پرڏيهي کاتي ۾ مقرري کان اڳ ڪوسٽاريڪا ۽ السلواڊور ۾ خدمتون انجام ڏنيون.
ماضي ۾ هوءَ ڪراچي ۽ پشاور ۾ به مقرر ٿي هئي. هُن ميامي ۾ واقع آفيس آف فارين مشنز ۾ ريجنل ڊائريڪٽر طور ڏکڻ آمريڪا ۾ مقرر 3000 پرڏيهي سفارتڪارن جي مدد جون به ذميواريون نڀايون. هُن ڊپلوميٽ ان ريزيڊنس طور به خدمتون انجام ڏنيون، جيڪو مستقبل جي آمريڪي سفارتڪارن جِي ڀرتين ۽ تربيت جا انتظام ڪندو آهي.
ڪيٿرين فلوريڊا انٽرنيشنل يونيورسٽي مان بزنس ايڊمنسٽريشن جي شعبي ۾ بي اي، ايم اي ۽ اڪائونٽنگ ۾ ايم اي جون ڊگريون حاصل ڪيون. اُن کانسواءِ وٽس ڪولمبيا يونيورسٽي مان ماحولياتي سائنس ۽ پاليسي جي شعبي ۾ ايم اي جي ڊگري پڻ آهي. سندس مادري ٻولي اسپيني آهي ۽ فلوريڊا جي علائقي ميامي سان واسطو رکي ٿي.
