7 اگست 2019
رابطہ: کرش داس، ترجمان
فوری اجراء کے لئے
امریکی قونصل جنرل رابرٹ سلبرسٹین کی مزار قائد پر حاضری
کراچی: امریکی قونصل جنرل رابرٹ سلبرسٹین نے مزار قائد پر حاضری دی اور بانیٔ پاکستان قائد اعظم محمد علی جناح کو خراج عقیدت پیش کیا۔ رابرٹ سلبرسٹین نے قائد اعظم کی قبر پر گلدستہ رکھا اور امریکی عوام کی جانب سے مہمانوں کی کتاب میں تاثرات درج کیے۔
قونصل جنرل نے لکھا کہ”جناح کے اس خوبصورت مزار پر آکر ان کو خراج عقیدت پیش کرنا میرے لیے باعث اعزاز ہے۔ یہ جگہ مستحکم اور جمہوری پاکستان کیلئے جناح کے تصور کی یاد تازہ کرتی ہے کہ جہاں مختلف عقائد کیلئے احترام، مذہبی ہم آہنگی اور اجتماعیت پائی جاتی ہو۔ یہ اقدار قائداعظم محمد علی جناح کی عظمت کی گواہ ہیں جوکہ امریکی تہذیب میں کلیدی حیثیت کی ہامل ہیں۔”
امریکی قونصل جنرل نے قائداعظم کی ہمشیرہ محترمہ فاطمہ جناح اور پاکستان کے پہلے وزیراعظم لیاقت علی خان کے مزارات پر بھی حاضری دی۔ انہوں نے مزار قائد سے متصل میوزیم کا دورہ کیا اور وہاں قائداعظم محمد علی جناح سے منسوب تاریخی نوادرات کے ذخیرے کو سراہا۔
