پاکستان میں  امریکی سفارتی مشن پاکستانی  اور امریکی عوام کے مابین باہمی روابط اُستوار کرنے کے  لیئےمتعدد تعلیمی، ثقافتی اور تبادلہ پروگراموں  کے وسیع سلسلہ میں معاونت کرتا ہے۔ہم   امریکی حکومت کےتعاون سے جاری دنیا کا  سب سے بڑے فلبرائٹ پروگرام  چلاتے ہیں، جس کے تحت ہر سال  ۱۵۰ پاکستانیوں کو امریکہ کی یونیورسٹیوں میں حُصول  تعلیم کے لیے بھیجا جاتا ہے، جن میں سے ایک سو   کے لگ بھگ امیدوراوں کو ماسٹرز جبکہ پچاس   کے قریب افراد کو پی ایچ ڈی کی  ڈگری  کے حصول کے لیے وظیفہ دیا جاتا ہے۔ ہم ہر سال  آٹھ سو پاکستانیوں کو امریکہ میں تبادلہ پروگراموں  میں شرکت کے لیئے  اعانت فراہم کرتے ہیں، جن میں ایک سال کا عرصہ امریکہ میں قیام کرنے والے ثانوی سطح کے طالبعلموں سے لیکر پیشہ ورانہ سطح تک کے  افراد شامل ہوتے ہیں۔   اُن کو امریکہ میں اپنے ہم منصب افراد سے منسلک کیا جاتا ہے۔  ان کاوشوں کی وجہ سے دنیا بھر میں امریکہ تبادلہ پروگراموں سے مستفید ہونے والے افراد کا سب سے بڑا الومنائی نیٹ ورک پاکستان میں قائم ہے۔ ہم انگریزی زبان سکھانے  کے وسیع مواقع، پاکستان بھر میں قائم  ریاستہائے متحدہ امریکہ کے بارے میں حُصول معلومات کے مراکز  لنکن کارنرز کے انتظام و انصرام ، فنون لطیفہ، ثقافتی ورثہ،  موسیقی، فلم اور تخلیقی تحریرنگاری سے متعلق روابط اُستوار کرنے کی سرگرمیوں کی   حمایت کرتے ہیں۔ اپنی دلچسپی سے متعلق کسی بھی پروگرام کے بارے میں مزید معلومات کے لیے ازراہ کرم  مندرجہ  ذیل تفصیلات کا  مطالعہ کریں۔