ریجنل انگلش لینگویج آفس (Relo کی)

کیاآپ انگریزی سیکھنے یا اپنی انگریزی کو بہتر بنانے میں دلچسپی رکھتے ہیں؟ کیا آپ انگریزی پڑھانے کے نئے طریقوں کی تلاش میں ہیں؟ تو پھر آپ بالکل صحیح جگہ آئے ہیں۔

محکمہ خارجہ کی امریکی انگریزی کی ویب سائٹ اساتذہ اور طالبِ علموں

کے لیے انگریزی پڑھانے اور سیکھنے کے لیے وسیع اقسام کے مفت ذرائع پیش کرتی ہے۔ امریکی انگریزی کی نئی ویب سائٹ انگریزی زبان اور امریکی ثقافت پڑھانے اور سیکھنے کا ایک بے مثال آن لائن ذریعہ ہے۔ویب سائٹ اساتذہ اور طالب علموں کو نہ صرف تقریباً ہزار تعلیمی ذرائع پیش کرتی ہے بلکہ اساتذہ کے لیے ویبینارز(ویب پر موجود حلقے) اور پیشہ ورانہ ترقی کے مواقع بھی۔ اِس کے علاوہٹریس افیکٹس کا بھی جائزہ لیں،یہ ایک انگریزی زبان میں ایک ویڈیو گیم ہے، جو طالب علموں کو انگریزی کی مشق میں مدد کرتا ہے۔ ایک انٹرایکٹو دنیا میں مہم جوئی، کھیلوں اور معموں کے ذریعے انگریزی سیکھیں اور امریکی ثقافت کو دریافت کریں۔ ابھی کھیلنے کے لیے یہاں کلک کریں۔

اسلام آباد میں امریکی سفارت خانے میں انگریزی زبان کے پروگرامز

پاکستان میں امریکی سفارت خانہ پورے پاکستان میں کئی انگریزی پروگراموں کی اعانت کرتا ہے تاکہ انگریزی سیکھنے اور سکھانے کو اساتذہ اور طالب علموں کے لیے آسان بنایا جا سکے۔ امریکی سفارت خانے میں انگریزی کے لیے افسران اور عملہ موجود ہے جو اساتذہ کے لیے تربیتی ورکشاپس منعقد کرتا ہے جس میں پیشہ ورانہ ترقی کے لیے تعلیمی وسائل اور وظائف مہیا کیے جاتے ہیں اور پورے پاکستان میں میزبان ملک کے تعلیمی اہلکاروں سے مشاورت کی جاتی ہے۔ ہمارے پروگرامز کے بارے میں جاننے کے لیے پڑھنے کے سلسلے کو جاری رکھیے۔

انگریزی ایکسس ما ئکروسکالرشپ پروگرام

انگریزی ایکسس ما ئکروسکالرشپ پروگرام تیرہ سے اٹھارہ سال کے ان طلبہ کے لیے ہے جن کا تعلق اشرافیہ سے نہ ہو، اسکول کے بعد کلاسوں اور تربیت کی مخصوص سرگرمیوں کے ذریعے انگریزی زبان سیکھنے کی بنیاد مہیا کرتا ہے۔ ایکسس کے طلبہ اس ذریعے سے امریکی جمہوری اقدار کوسمجھتے ہیں، اْن کی اپنے ملک کی سماجی و اقتصادی ترقی میں کامیابی سے حصّہ لینے کی صلاحیت میں اضافہ کیا جاتا ہے اور مستقبل کے امریکی تبادلے اور تعلیمی پروگرامز کے لیے مقابلے اور شرکت کرنے کی صلاحیت میں اضافہ کیا جاتا ہے۔

2004ء سے اِس پروگرام کے وجود میں آنے کے بعد سے پچاسی ممالک کے نوے ہزار سے زائد طلبہ ایکسس پروگرام کا حصّہ بن چکے ہیں۔ ملک بھر میں پندرہ مقامات پرچار ہزار سے زائد طلبہ کے ساتھ دنیا کا سب سے وسیع ایکسس پروگرام پاکستان میں جاری ہے۔

انگریزی زبان کے ماہرین

انگریزی زبان کے ماہرین ٹی ای ایس او ایل کے شعبہ میں تعلیم اور پیشہ ورماہرین ہیں۔ وہ دو ہفتے سے تین مہینے تک کے پیشہ ورانہ ترقیاتی پروگرامز منعقد کرتے ہیں۔ان کی عمومی ذمہ داریوں میں اساتذہ کی تربیت،نصاب اور کتابوں کو ترتیب دینا یا مہمان ادارے کے پروگرام کا جائزہ لینا شامل ہے۔بعض اوقات تربیت ومشاورت میں اعانت کے لیے ڈیجیٹل وڈیو کانفرنسز یا ویبینارز بھی منعقد کیے جاتے ہیں۔ پاکستان میں ای ایل ماہرین نے پورے ملک میں مختصر دورانیہ کے تربیتی پروگرامز کا انعقاد کیا ہے۔

ای ٹیچر سکالر شپ پروگرام

ای ٹیچر سکالر شپ پروگرام انگریزی پڑھنے والے پیشہ ور افراد کو امریکی یونیورسٹیوں کی مہیا کردہ جدید، گریجویٹ درجے کی آن لائن کلاسز لینے کے مواقع مہیا کرتا ہے۔اِن کورسز میں انگریزی کو بطور غیر ملکی زبان پڑھانے کے متعلقہ امکانات دریافت کیے جاتے ہیں. ۔(TEFL)