قونصل جنرل مارک اسٹرو

مارک اسٹرو نے 21 اگست 2021 سے کراچی میں امریکی قونصل جنرل کی حیثیت سے اپنی ذمہ داریاں سنبھال لی ہیں۔

وہ امریکی سینیئر فارن سروس کے کیریئر میمبر ہیں اور حال ہی میں واشنگٹن ڈی سی میں گلوبل افیئرز بیورو میں انٹرنیشنل میڈیا کے مینیجنگ ڈائریکٹر کے طور پر اپنی خدمات سرانجام دے چکے ہیں۔

اس سے پہلے وہ 2017-18 کے دوران شام کے شمال مشرقی علاقوں میں سیریا ٹرانزیشن اسسٹنس ریسپانس ٹیم فارورڈکے ٹیم لیڈر تھے۔ انہوں نے کویت سٹی (کویت)، بصرہ اور ال ہلال (عراق)، کابل (افغانستان)، اسلام آباد (پاکستان) اور ریئو ڈی جنیرو (برازیل) میں بھی اپنی خدمات سرانجام دی ہیں۔ اس کے علاوہ، مارک نے واشنگٹن میں ایگزیکیوٹو سیکریٹیریٹ اسٹاف پر اسٹرٹیجک کمیونیکیشنز کے ڈائریکٹر، اسسٹنٹ پریس سیکریٹری اور اس کے بعد نیشنل سیکیورٹی کاؤنسل میں ڈپٹی ترجمان کی حیثیت سے بھی کام کیا۔ قونصل جنرل، پبلک افیئرز بیورو کے پریس آفس کے قائم مقام ڈائریکٹر کے عہدے پر بھی فائز رہے۔

فارن سروس میں شامل ہونے سے پہلے مارک کئی روزنامچوں اور ہفتہ وار اخبارات اور جریدوں کے ساتھ ایک صحافی کی حیثیت سے کام کرتے رہے جن میں فلاڈیلفیا انکوائرر بھی شامل ہے جہاں انہوں نے 2000 سے لیکر 2002 کے دوران ڈیلی بیٹ رپورٹر کی حیثیت سے کام کیا۔

مارک اسٹرو نے رینڈالف میکن کالج سے تاریخ اور پولیٹیکل سائنس میں بی اے اور کولمبیا یونیورسٹی گریجوئیٹ اسکول آف جرنلزم سے صحافت میں ایم ایس کی ڈگری حاصل کی ہے۔