قونصل جنرل پان فیلو مارکیز

پان فیلو مارکیز ۲۳ سال سے امریکی محکمہ خارجہ کی فارن سروس کے کیریئر ممبر ہیں۔ اس سے پہلے قونصل جنرل پان فیلو مارکیزبیورو برائےامور مشرقی ایشیا اور بحر الکاہل کے  ایگزیکٹو آفس میں بطور ڈپٹی ڈائریکٹر تعینات تھے۔  ماضی میں انہوں نے برازیل میں امریکی مشن میں بطور منسٹر قونصلر برائے انتظامی اُمور  خدمات سرانجام دی ہیں جبکہ   برازیل میں  تعیناتی کے دوران  وہ  لگ  بھگ ایک سال تک قائم مقام ڈپٹی چیف آف مشن  بھی رہے اور انہوں نے  قانون نافذ کرنے کے شعبہ  میں شراکت، عسکری تعاون اور تجارتی تعلقات کی بہتری پر کام کیا۔ برازیل  میں مذکورہ تقرری سے  قبل انہوں نےفرانس کے امریکی سفارتخانہ میں امریکی  مشنز برائے فرانس، یونیسکو اور اوا ی سی ڈی  کے لیے مینجمنٹ افسر کی خدمات سر انجام دیں۔

اپنے کیریئر کے دوران قونصل جنرل مارکیز نے برازیل ہی میں ری او ڈی جنیریو    اور  تیکوانا، میکسیکو،  میں مینجمنٹ   افسر کے طور پر کام کیا ہے۔  ان کی دوسری تعیناتیوں میں پکتیکا، افغانستان، کوسٹا ریکا اور جمائیکا شامل ہیں۔

مارکیز کو محکمہ  کی جانب سے مختلف اعلیٰ ایوارڈز سے نوازا گیا ہے، جن میں   انتظامی اُمور میں جدت پر  دیا جانے والا لُوتھر ریپلوگل ایوارڈ   بھی شامل ہے، جو اُن کو برازیل میں اُن کے کام کے اعتراف کے طور پردیا گیا۔

مارکیزامریکی ریاست  کیلیفورنیا سے تعلق رکھتے  ہیں اور انہوں نے  یونیورسٹی کالج سان ڈیاگو سے   بحرالکاہل  اور بین الاقوامی اُمور کے شعبہ میں  ماسٹرز کی ڈگری حاصل کی اور براہ راست فارن سروس میں شمولیت اختیار کی۔  مارکیز ہسپانوی، فرانسیسی اور پُرتگالی زبان بولتے ہیں۔