ملتان– مارچ 19، 2019: امریکی قونصل جنرل کولین کرینویلگی نے مارچ 19, 20 کے دورہ ملتان کے دوران امریکہ-پاکستان تعاون کی جہتوں پر روشنی ڈالی اور پاکستانی نوجوان نسل کو ہنرمند بنانے کے عمل کی حوصلہ افزائی کی. انہوں نے طلبہ کو امریکی حکومت کی مالی اعانت سے شروع ہونے والے انگریزی زبان سکھانے کے دو نئے پروگراموں میں خوش آمدید کہا، امریکی تعاون سے تیار ایک سولر پاور سسٹم کا افتتاح کیا، کاروبار شروع کرنے کے خواهش مند افراد میں کاروبار میں آسانی کے لیے ٹول کٹ تقسیم کی اور مقامی حکومت کے عہدے داروں اور کاروباری قائدین سے ملاقات کی۔
"امریکہ کو ملتان میں وقوع پذیر آگے بڑھنے کے عمل میں پاکستان کے ساتھ شراکت پر فخر ہے، ” قونصل جنرل کرینولگی نے کہا. "چاہے یہ طلبہ کو انگریزی بہتر کرنے اور ملازمت کے ہنر کو جاننے کے کاموں کا آغاز ہو، نئے سولر پاور سسٹم سے بجلی کی بلا تعطل فراہمی ہو، نئے کاروبار کی حوصلہ افزائی ہو یا اہم ثقافتی ورثےکو محفوظ بنانا ہو، امریکہ خوشحال اور پر امن مستقبل کے لیے پاکستان کے ساتھ ہے۔”
اپنے ملتان کے دورے کے دوران، قونصل جنرل کرینویلگی نے 250 طلبہ کو دو سالہ انگلش ایکسیس مائکرو سکالر شپ پروگرام میں خوش آمدید کہا اور 75 طلبہ کے لیے چھ ماہ کے انگلش ورکس پروگرام کا افتتاح کیا. امریکی وزارت خارجہ نے دونوں پروگراموں کے لیے مالی اعانت فراہم کی ہے. پروگراموں کا مقصد طلبہ کو تجزیہ اور انگریزی زبان کی صلاحیت سے بہرہ ور کرنا ہے تاکہ وہ جاب مارکیٹ کے معیار پر پورا اترسکیں۔
قونصل جنرل کرینویلگی نے پنجاب ووکیشنل ٹریننگ کونسل کے ووکیشنل ٹریننگ انسٹیٹیوٹ میں جدید ترین سولر پاور سسٹم کا افتتاح کیا. یہ سولر سسٹم امریکی ادارہ برائے بین الاقوامی ترقی نے مہیا کیا. یہ سولر سسٹم طلبہ کو بلا تعطل بجلی فراہم کر کہ تعلیمی سرگرمیوں میں مدگار ہو گا. قونصل جنرل نے یو ایس ایڈ کے کیریئر کونسلنگ سینٹر میں گریجویٹ ٹرینیز سے بھی ملاقات کی اور ان میں کاروبار شروع کرنے میں معاون ٹول کٹس تقسیم کیں. یہ جنوبی پنجاب میں نوجوان نسل کے لیے معاشی مواقع کے لیے ایک قدم ہے۔
موسیٰ پاک شہید اور شاہ رکن عالم کے مزارات پر حاضری کے دوران قونصل جنرل کرینولگی نے امریکی حکومت کے پاکستان کے ثقافتی ورثے کو محفوظ رکھنے کے دیرینہ عزم کا اعادہ کیا. امریکی سفیر کے فنڈ برائے تحفظ ثقافتی ورثہ نے ملتان کے مزارات، بشمول موسیٰ پاک شہید اور شاہ شمس تبریز، کی بحالی کے لیے ستر ہزار ڈالر سے زائد مالی مدد فرا ہم کی۔
قونصل جنرل کرینویلگی نے ملتان میں کمشنر عمران سکندر بلوچ اور مقامی سیاسی اور معاشی صورت حال پر گفتگو کے لیے ایوان صنعت و تجارت، ملتان کے ارکان سے ملاقات کی۔
