کراچی: قائم مقام امریکی قونصل جنرل جون وارنر نے موسیقیی کےشائقین کو’’سنگت‘‘ کنسرٹ میں خوش آمدید کہا، ’’سنگت‘‘ میں یونیورسٹی آف ٹیکساس آسٹن اور نیشنل اکیڈمی آف پرفارمنگ آرٹس (ناپا) کے موسیقاروں نے مشترکہ پرفارمنس کا مظاہرہ کیا۔ یہ کنسرٹ یونیورسٹی آف ٹیکساس اور ناپا کے درمیان تین سال کی اکیڈمک شراکت کی کامیابی کا منہ بولتا ثبوت تھا جس کے لیے امریکی حکومت نے 10 کروڑ پاکستانی روپے کی امداد فراہم کی ہے۔ یونیورسٹی آف ٹیکساس کے ساؤتھ ایشیا انسٹیٹیوٹ کے ڈائریکٹر کامران علی اور ناپا کے ڈائریکٹر پروگرامز راشد محمود نے بھی تقریب میں شرکت کی۔
قائم مقام امریکی قونصل جنرل جون وارنرنے شرکا سے خطاب کرتے ہوئےکہا کہ:’’آج کا کنسرٹ کراچی کے عوام کے لیے نادر موقع ہے کہ وہ باصلاحیت پاکستانی اورامریکی موسیقاروں کو ایک ساتھ پرفارم کرتے ہوئے سن سکیں۔ ’’سنگت‘‘ کنسرٹ نے جنوبی ایشیا اور مغربی موسیقی کے انداز اور دھنوں کے منفرد امتزاج سے لطف اندوز ہونے کا
‘‘ بھی موقع فراہم کیا ہے جو میرے خیال میں ایک بڑی کامیابی ہے۔
یونیورسٹی آف ٹیکساس آسٹن اور ناپا کے درمیان اکیڈمک شراکت ایسے 20 پروگراموں میں سے ایک ہے جن کے لیے امریکی حکومت نے فنڈ فراہم کیے ہیں، ان میں سے 4 شراکتی پروگرام سندھ میں ہیں۔ یو ٹی آسٹن اور ناپا کے درمیان یونیورسٹی شراکت کا مقصد دونوں اداروں کے موسیقی کے طلبہ اور اساتذہ میں روابط کو بڑھانا اور تعلیمی تبادلوں کو فروغ دینا ہے اور موسیقی کے تصورات، موسیقی مرتب کرنے اور پیش کرنے کے فن کی صلاحیتوں میں اضافہ کرنا ہے۔
امریکی حکومت کی معاونت سے چلنے والے دیگر تعلیمی اور ثقافتی پروگراموں کی تفصیل کے لیے براہ مہربانی یہ
www.eca.state.gov :ویب سائٹ ملاحظہ کیجیے
