قونصل جنرل گریگری میکرس

گریگری میکرس
قونصل جنرل
قونصلیٹ جنرل پشاور

ریاستہائے متحدہ امریکہ کے محکمہ خارجہ کے کیریئر ممبر گریگری میکرس اِس وقت امریکی قونصل خانہ پشاور میں بطور قونصل جنرل اور پرنسپل افسر خدمات سرانجام دے رہے ہیں۔

ستمبر ۲۰۲۰ء میں پاکستان آمد سے قبل گریگ ویانا میں واقع یورپ میں سلامتی و تعاون کی تنظیم (او ایس سی اِی) کے دفتر میں امریکی سفارتی مشن کے پولیٹیکل قونصلر اور نائب  سربراہ تھے۔ اُس سے قبل وہ لزبن ،پُرتگال ،میں امریکی سفارتخانہ میں  قونصلر برائے سیاسی و معاشی اُمور اور قائم مقام ناظم الاُمور ، تین سال  تک  امریکی سفارتخانہ نکوسیا ،قبرص ،میں قونصلر برائے سیاسی اُمور، اور اس سے قبل میڈرڈ ،اسپین، اور کیوٹو ،ایکواڈو،ر میں بطور پولیٹیکل افسر خدمات  سرانجام دے چکے ہیں۔  انھوں نے سانتو ڈومنگو ،جمہوریہ ڈومینیکن ،میں قونصلر کی حیثیت سے کام کیا اور  افغانستان کے علاقےپروان میں صوبائی تعمیرِ نو ٹیم کی قیادت بھی کر چکے ہیں۔

اندرونِ مُلک دوران ملازمت وہ محکمہ خارجہ کے دفتر برائے مغربی یورپی اُمور میں ڈپٹی ڈائریکٹر، دو مرتبہ محکمہ خارجہ کے آپریشنز سینٹر اور مغربی ہیمپشائر اُمور بیورو میں بھی بطور اسٹاف اسسٹنٹ بھی رہے۔

گریگ نیشنل وار کالج سے۲۰۱۲ء میں فارغ التحصیل ہونے والے ممتاز طالبعلم ہیں اور انہوں نے جیمز میڈیسن یونیورسٹی سے بزنس اور  اکنامکس میں بیچلرز آف سائنس کی ڈگری حاصل کررکھی ہے۔ وہ محکمہ خارجہ کے آٹھ اعلیٰ ایوارڈ حاصل کر چکے ہیں، جبکہ ۲۰۱۲ء میں چیئرمین جوائنٹ چیفس آف اسٹاف اسٹریٹجک رائیٹنگ ایوارڈ اور ۲۰۰۷ء میں مشکل زبان کی تعلیم حاصل کرنے پر سنکلیئر ایوارڈ بھی جیت چُکے ہیں۔ وہ پُرتگالی، ہسپانوی اور یونانی زبانیں بولتے ہیں اور  جرمن زبان کی بھی شد بد  رکھتے  ہیں۔

گریگ کا تعلق واشنگٹن ڈی سی سے ہے، وہ شادی شدہ اور تین بچوں کے باپ  ہیں، جن میں سے ایک ویانا اور دو امریکہ میں مُقیم ہیں۔ وہ فارغ اوقات میں  گاڑیوں، سیاحت اور گولف کھیلنے کا شوق رکھتے ہیں۔