۱۲مارچ، ۲۰۱۵ء
اسلام آباد (۱۲ مارچ، ۲۰۱۵ء)__ امریکہ اور پاکستان کی حکومتوں کے سینئر حکام نے ۱۲ مارچ کو امریکہ۔ پاکستان ٹریڈ اینڈ انویسٹمنٹ فریم ورک ایگریمنٹ (ٹیفا) پر بات چیت کے لئے اسلام آباد میں ایک اجلاس کیا۔ حکام نے دوطرفہ مشرکہ ایکشن پلان کے تحت ہونے والی پیش رفت کا جائزہ لیا، یہ پلان صدر اوبامہ اور وزیر اعظم نواز شریف نے ۲۰۱۳ میں دوطرفہ تجارت و سرمایہ کاری کو فروغ دینے کے لئے وضع کیا تھا۔ فریقین نے بالخصوص تجارت کے فروغ، انٹرپرینیورشپ، زراعت کے شعبے میں جدت، انٹیلکچول پراپرٹی رائٹس، سرمایہ کاری کو فروغ دینے کے اقدامات اور کارکنوں کے حقوق سے متعلق امور پر بات چیت کی۔
