کراچی۔امریکی قونصل جنرل گریس شیلٹن نے پاکستان اسٹاک ایکسچینج کا دورہ کیا اور گھنٹی بجا کر کاروباری سرگرمیوں کا آغاز کیا۔ قونصل جنرل نے پاکستان اسٹاک ایکسچینج کے بورڈ آف ڈائریکٹرز ،چیئرمین منیر کمال اور منیجنگ ڈائریکٹر ندیم نقوی سےبھی ملاقات کی۔
اس موقع پر قونصل جنرل گریس شیلٹن نے گفتگو کرتے ہوئے کہا کہ امریکی حکومت پاکستانی معیشت کی بحالی اور پاکستانی کاروباری طبقے کی ترقی کیلیے کوششیں کر رہی ہے۔ان کا کہنا تھا کہ پہلی بار پاکستان اسٹاک ایکسچینج کا دورہ کر کے انھیں بے انتہا خوشی محسوس ہو رہی ہے۔گریس شیلٹن کا کہنا تھا کہ پاکستان اسٹاک ایکسچینج پاکستانی معشیت میں ریڑھ کی ہڈی کی حیثیت رکھتی ہے۔
