کراچی۔امریکی ادارہ برائے بین الاقوامی ترقی (USAID)اور آغا خان یونیورسٹی نے USAIDکے کمیونٹی موبلائزیشن پروگرام (CMP)کے تحت چلنے والے اسکولوں میں طلبا کو صحت کی سہولیات فراہم کرنے کے معاہدے پر دستخط کیے۔منصوبے کے تحت صوبہ سندھ کے سات اضلاع اور کراچی کے پانچ ٹاونز میں CMPکے اسکولوں میں زیر تعلیم 5سے 9سال کی عمر کے بچوں میں غذایت کی کمی کے خاتمے کیلیے کوششیں کی جائیں گی۔معاہدے پر دستخط کی تقریب میں پاکستان میں متعین امریکی سفیر ڈیوڈہیل کے علاوہ امریکی قونصل جنرل برائن ہیتھ،ڈائریکٹر جنرل محکمہ صحت سندھ حسن مراد شاہ،صوبائی محکمہ تعلیم کے شعبہ نصاب کی سربراہ فوزیہ خان اور آغا خان یونیورسٹی اسپتال کے سربراہ ہانس کڈزرسکی بھی موجود تھے۔
معاہدے پر دستخط کی تقریب سے خطاب کرتےہوئے امریکی سفیر ڈیوڈ ہیل نے کہاکہ تعلیم بچوں کی صحت و نشونمامیں انتہائی اہم کردار ادا کرتی ہے۔کوئی بھی قوم اس وقت تک ترقی نہیں کر سکتی جب تک اس کے لوگ صحت مند نا ہوں۔
امریکی ادارہ برائے بین الاقوامی ترقی (USAID)کے سندھ بیسک ایجوکیشن پروگرام (SBEP)کے تحت حکومت سندھ کے ساتھ مل کر اسکولوں کے طلبا میں غذایت کی کمی کے مسائل پر قابو پانے کی کوششوں کے ساتھ ساتھ والدین کی آگاہی میں اضافے کیلیے بھی کام کیا جا رہا ہے۔
USAIDاور آغا خان یونیورسٹی کے اشتراک سےخصوصی بچوں کیلیے تعلیم کے مواقعوںاور سرکاری اور غیرسرکاری اسکولوں میں لڑکیوں کی حاضری میں اضافے کیلیے کوششیں کی جا رہی ہیں۔یہ تمام اقدامات اکتوبر2015میں امریکی خاتون اول مشیل اوبامہ اور پاکستانی وزیر اعظم کی صاحبزادی مریم نواز شریف کی جانب سےشروع کیے جانے والے ـ”Let Girls Learn”منصوبے کا حصہ ہیں۔
USAIDکے پاکستان میں جاری منصوبوں کے بارے میں مزید جاننے کیلیے وزٹ کریں:
www.usaid.gov/pakistan
