۱۶ ِنومبر، ۲۰۱۷ء رابطہ: شعبہ امور عامہ
برا ئے فوری اجراء سفارتخانہ ریاست ہائے متحدہ امریکہ
۸۲/۲۰۱۷ء فون:۰۵۱۲۰۱۴۶۵۹؛ ۰۵۱۲۰۱۴۴۲۳
یوایس ایڈ کی جانب سے کیپیٹل ایڈمنسٹریشن اینڈ ڈویلپمنٹ ڈویژن کو موبائل بس لائبریریوں کی فراہمی
اسلام آباد (۱۶ نومبر، ۲۰۱۷ء)__ امریکی ادارہ برائے بین الاقوامی ترقی (یوایس ایڈ) نے بین الاقوامی تعلیمی ہفتہ منانے کے سلسلہ میں آج ایک اسکول میں منعقدہ تقریب کے دوران کیپیٹل ایڈمنسٹریشن اینڈ ڈویلپمنٹ ڈویژن (سی اے اینڈ ڈی ڈی) کو دو موبائل لائبریریاں عطیہ کیں۔یوایس ایڈ کے آفس ڈائریکٹر برائے تعلیم ڈاکٹر کرسٹوفر اسٹیل نے لائبریریاں حوالے کرنے کےمعاہدہ پر دستخط کئے جانے کے بعد بسوں کی چابیاں باضابطہ طور پر وزیر برائے کیپیٹل ایڈمنسٹریشن اینڈ ڈویلپمنٹ ڈویژن ڈاکٹر طارق فضل چوہدری کو پیش کیں۔
ڈاکٹر اسٹیل نے کہا کہ ان موبائل لائبریریوں کے ذریعے ہم اس امر کو یقینی بنا رہے ہیں کہ مطالعہ کے شوقین بچوں کو اچھی کتابوں تک رسائی حاصل ہورہی ہے جو انھیں بہتر قارئین بننے میں مدد دے رہی ہیں۔ مجھے خوشی ہے کہ آج کی اس کاوش کے ذریعے ہم پاکستان کو اس کے نظام تعلیم کو ترقی دینے اور قومی سطح پر مطالعہ کے کلچر کو فروغ دینےکی کوششوں میں مدد دینے کی روایت کو برقرار رکھے ہوئے ہیں۔
ان موبائل لائبریریوں سے اسلام آباد اور اس کے نواحی علاقوں میں رہنے والے بچوں کیلئے مطالعاتی مواد کی دستیابی میں اضافہ ہوگا۔ یوایس ایڈ کی اعانت سے جاری پاکستان ریڈنگ پراجیکٹ نے گزشتہ دو سال سے موبائل لائبریریوں کے ساتھ اسلام آباد اور سندھ میں ۳۳۸ اسکولوں کا دورہ کرکے لگ بھگ ۶۵ ہزار بچوں تک رسائی حاصل کی ۔ ہر دورے کے بعد ان لائبریریوں نے اپنے پیچھے کتابوں کے سیٹ چھوڑے تاکہ بچے اپنےمطالعہ کے شوق کو جاری رکھ سکیں۔ اب تک موبائل لائبریریاں مختلف اسکولوں کے دوروں میں ۵۳۴۷۹ کتابیں تقسیم کر چکی ہیں۔
پاکستان ریڈنگ پراجیکٹ بچوں کی مطالعہ کرنے کی مہارتوں کو بہتر بنانے کیلئے پاکستان میں صوبائی اورعلاقائی سطح پر تعلیمی محکموں کو اعانت فراہم کرتا ہے۔پاکستان میں فروغ تعلیم کیلئے امریکی اعانت سے متعلق مزید معلومات درج ذیل ویب سائٹ پر دستیاب کریں:
https://www.usaid.gov/pakistan/education
###
