ویزا

امریکی سفارتخانہ اسلام آباد اور کراچی میں قونصل خانہ فی الحال معمول کی  امیگرنٹ اور نان امیگرنٹ ویزا خدمات (بشمول اسٹوڈنٹ ویزا) سروس بحال کرنے سے قاصر ہیں۔ ہم ممکنہ طور پر جلد از جلد معمول کی ویزا خدمات بحال کریں گے تاہم اس سلسلہ میں کوئی بھی حتمی تاریخ فراہم نہیں کر سکتے۔

ایم آر وی فیس جس ملک میں ادا کی گئی ہے، اُس ملک میں ادائیگی کے ایک سال تک انٹرویو کی تاریخ حاصل کرنے کے لیے موثر ہے۔ اگر آپ کو ہنگامی صورتحال درپیش ہے اور جلد از جلد سفر کرنا چاہتے ہیں تو براہ مہربانی مندرجہ ذیل لنک پر مہیا کی گئی ہدایات پر عمل کرتے ہوئے ہنگامی اپائنٹمینٹ کی درخواست جمع کرائیں۔

https://www.ustraveldocs.com/pk_ur/index.html

صدارتی حکم نامہ نمبر ۱۰۰۵۲ میں مجوزہ بعض ایچ ون بی، ایچ ٹو بی، ایچ فور، ایل اور “جے” ویزا نوعیت کے درخواستگزار صرف مندرجہ ذیل درج لنک پر موجود حکم نامہ میں فراہم کی جانے والی بعض استثنٰی ضوابط سے مستفید ہونے کی اہلیت پر پورا اترنے کی صورت ہی میں درخواست دیں:

https://www.whitehouse.gov/presidential-actions/proclamation-suspending-entry-aliens-present-risk-u-s-labor-market-following-coronavirus-outbreak/.  

آپ  کے  سفر کے مقصد  اور دیگر  حقائق  کی بنیاد پر امریکی امیگریشن قانون کے تحت آپ کو مطلوبہ ویزا کی نوعیت کا تعین کیا جاتا ہے۔ بطور ویزا درخواستگذار  آپ کو  یہ ثابت کرنا ہوتا ہے کہ آپ نے جس بھی  درجہ کے ویزا کی درخواست دی ہے آپ اُس کے حصول کی اہلیت کے حامل ہیں۔

امریکی محکمہ خارجہ کی ویب سائیٹ  یو ایس ویزا۔اسٹیٹ۔گوپر   ہماری ویزا درجہ بندی فہرست   ملاحظہ کر کہ  تعین کرلیں کہ آپ کو  امریکہ کے سفر کے لیے کس نوعیت کا ویزا درکار ہوگا۔

اردو  میں مزید معلومات کے لیے مندرجہ ذیل لنک پر کلک کریں:

https://www.ustraveldocs.com/pk_ur/

 

ویزا کیا ہے؟

عام طور پر ہر غیر ملکی شہری کو  امریکہ میں داخلہ سے قبل ویزا حاصل کرنا لازمی ہے،  جو کہ مسافر  کے پاسپورٹ ، یعنی مسافر کی شہریت والے ملک کی  جانب سے جاری کردہ  سفری دستاویز پر لگایا جاتا ہے۔

بعض بین الاقوامی  مسافر ، بغیر ویزا سفر کی شرائط پر پورا اترنے کی صورت میں ، بغیر ویزا  کے امریکہ کا سفر کر سکتے ہیں۔   اس ویب سائٹ  کا ویزا سیکشن  غیر ملکی شہریوں  کے امریکہ سفر کے لیے درکار   ویزا کی  مکمل معلومات پر مشتمل ہے۔

(خیال رہے کہ امریکی شہریوں کو امریکہ  کےسفر کے لیے ویزا درکار نہیں لیکن اگر وہ    کسی دوسرے  ملک سفر کرنا چاہتے ہیں تو اُس  ملک  کے  سفارتخانہ سے ویزا  لینا ضروری ہے ۔)

ہم سے رابطہ کیجیے:

سفارتخانہ ریاستہائے متحدہ امریکہ

ڈپلومیٹک انکلیو، رمنہ ۵

اسلام آباد، پاکستان

امیگرنٹ ویزا سے متعلق معلومات کے لیے ہمیں مندرجہ ذیل پتہ پر اِی میل کریں:

pk.usembassy.gov/visas/immigrant-visa-inquiries/ 

نان امیگرنٹ  ویزا سے متعلق  معلومات کے لیے ہمیں مندرجہ ذیل پتہ پر اِ ی میل کریں:

support-pakistan@ustraveldocs.com

یا ہمیں مندرجہ ذیل نمبروں پر کال کریں:

051-111-234111اسلام آباد اور راولپنڈی سے:

021-111-234111 پاکستان کے دیگر شہروں سے:

988-3426 (703) امریکہ میں:

 

قونصل خانہ  ریاستہائے متحدہ امریکہ

نیو ٹی پی ایکس ایریا، مائی کلاچی روڈ

کراچی

5 ,4 ,3 21-3527-5000 (92+) ٹیلی فون:

3561-2413 21 (92+) فیکس:

 

صارفین کو خدمات کی فراہمی کا  عزم

ریاستہائے  متحدہ ا مریکہ کے  بہترین تحفظ  کو یقینی بنانے کے پیشِ نظر امریکی محکمہ خارجہ   ویزا نظام کے  سخت مگر منصفانہ  نظم و نسق پر عمل پیرا ہے ۔ ہم  شفافیت کو یقینی بنانے کے لیے پُرعزم ہیں جو ہر دور میں امریکہ کی پہچان رہی ہے۔  امریکہ  کی جانب سفر  کا  خیرمقدم اور حوصلہ افزائی  کی جاتی ہے۔

ہم آپ، ویزا درخواستگزار ، سے وعدہ کرتے ہیں کہ :

  • اگر ہم آپ کو ویزا دینے سے قاصر بھی ہوں تو بھی ہم آپ سے باوقار اور احترام  سے  بھرپور  برتاؤ کریں گے۔
  • ہم آپ کے ساتھ انفرادی سلوک اور آپ کی درخواست کا منفرد  حیثیت سے    جائزہ لیں گے۔
  • ہم یاد رکھیں گے کہ آپ کے لیے ویزا کا انٹرویو نیا پریشان کُن تجربہ ہو سکتا ہے اور یہ کہ آپ  پریشان ہو سکتے ہیں۔
  • ہم انٹرویو کیلئے دستیاب محدود دورانیہ کو بروئے کار لاتے ہوئے آپ کے  سفر کے منصوبوں اور ارادوں کا ممکنہ حد تک مکمل خاکہ جاننے کی کوشش کریں  گے۔
  • ہم کاروبار، تعلیم اور دیگر کلیدی ذمہ داریوں کی ادائیگی کے لیے مقررہ وقت پر  پہنچنے    میں شفافیت پر مبنی  رہنمائی کے طور پر   درخواست دہندگان کو انٹرویو  کی مناسب  تاریخ دلانےکیلئے اپنے دستیاب وسائل کا استعمال کریں گے۔
  • ہم ہر سفارتخانہ اور قونصل خانہ کی ویب سائٹ پر ویزا  حصول کی لازمی شرائط اور درخواست کے طریقہ ہائے  کار  کے بارے میں  متفصل  اور درست معلومات  آویزاں کریں گے۔
  • ہم ہر سفارتخانہ اور قونصل خانہ میں نان امیگرنٹ اپائنٹمنٹ ویٹنگ ٹائم کے بارے میں معلومات http://travel.state.gov پر فراہم کریں گے۔
  • ہم ویزا اجراء سے انکار کی صورت میں  اس  کی وجہ بیان کریں  گے۔

مزید برآں، اگر آپ:

  • طالبعلم ہیں، تو ہم یہ یقینی بنانے کی ہر ممکن کوشش کریں گے کہ آپکو انٹرویو کی    بروقت تاریخ اور   اہلیت ثابت ہونے کی صورت میں تعلیمی سرگرمیاں شروع کرنے  کے لیے    جلد از جلد ویزا جاری کیا جائے ۔
  • طبی اور ہنگامی  بنیادوں پر سفر کر رہے ہیں  تو  ہم ایسے افراد  کی درخواست نمٹانے کا عمل  تیز کریں گے  جن کو جان لیوا خطرات لاحق ہوں۔
  • کاروباری مقصد سے سفر کرنے والوں  کے لیے  مناسب   اقدامات اور  خاص طور پر امریکی  تجارتی مفاد سے  منسلک کام   والوں کی درخواستیں بَر وقت نمٹانے کے عمل کو یقینی بنائیں گے۔

اسکے ساتھ ساتھ، ہم آپ، ویزا درخواست گزار، سے امید رکھتے ہیں کہ:

  • سفر اور ویزا کیلئے درخواست  جمع کرانے کی ممکنہ حد تک     پیشگی منصوبہ بندی کریں۔
  • اپنی درخواست میں  مکمل اور درست  کوائف کا اندراج کریں۔
  • اپنے سفری مقصد اور منصوبوں کے بارے میں صاف گوئی سے کام لیں۔
  • سفر کے اغراض  واضح اور اختصار سے بیان کرنے کے مقصد سے انٹرویو کی تیاری کریں۔